1 |
Corde natus ex Paréntis, Ante mundi exórdium Alpha et O cognómina Ipse fons et cláusula. Omnium quae sunt, fuérunt, Quaéque post futúra sunt, Saeculórum saécula. |
2 |
O beátus ortus ille, Virgo cum puérpera Edidit nostram salútem, Feta Sancto Spíritu, Et Puer, Redémptor orbis, Os sacrátum prótulit, Saeculórum saéculis. |
3 |
Psallit altitúdo caeli, Psallant omnes ángeli, Quidquid est virtútis usquam Psallat in láudem Dei: Nulla linguárum siléscat, Vox et omnis cónsonet, Saeculórum saéculis. |
First upload: 2004? / Update: Dec 06, 2010